Corp.I, 1226, Brabant, hertogelijke kanselarij, 5 april 1292–27 maart 1293

Hits in document:
1
author:
onbekend
title:
Corp.I, 1226, Brabant, hertogelijke kanselarij, 5 april 1292–27 maart 1293
source:
Corp.I
yearTo:
1293
fromInputFile:
1226.xml
yearFrom:
1292
idno:
corpusgysseling.1226


1867:1 Wi Jan bi der gratien ons heren hertoghe van lothrike. van brabant;
1867:2 Ende van lymborg maken cont allen den ghenen die desen brief sien
1867:3 selen; ogte horen leesen; dat wi purleec om gode. Ende om onser sielen
1867:4 wille. Ende om die sielen daer wi af siin comen. Ende om die sielen die
1867:5 van ons comen selen; Ende om die vorligtenesse van onsen lieden. vte
1867:6 onsen scoutheit ambagte van antwerpen. Ende om minne die wi tonsen
1867:7 lieden draghen, ghegheuen hebben; onsen lieden van den seluen
1867:8 scoutheit scape. also ghedaen regth; alse hiir na volgt; ende bescreuen es.
1867:9 Ende dat wi ghedaen hebben bi rade onser manne; ende onser liede; van
1867:10 onsen lande; dat es teverstane. [1] wie andren loghenstreept; ogte segt;
1867:11 gotsat hebbe di. Gonneert werdi. Ogte ghi siit een quaet; met felheiden.
1867:12 hi es om .v. ᨣ. louensche cleinre monten. jeghen den here. Ende doet een
1867:13 dorpman enen Riddre; hi es om .c. ᨣ. Ende dueth; een dorpman enen
1867:14 knape die van ridders arde comen es; ende nog es; hi es om .xx. ᨣ. [2]
1867:15 waere oec dat sake dat een; enen andren met handen sloghe; Ogte met
1867:16 voten stiete. Ogte cleet scorde. Ogte trocke metten hare sonder bloet reese;
1867:17 hi waers om .x. ᨣ. jeghen den here. Ende die mesdaet mote hi
1867:18 beteren; na raet der Scepene; ogte der man; sinen wedersake. Viele die
1867:19 man ter Eerden. van dien slaghe, ogte stoete; soe ware siin wedersake om
1867:20 .xv. ᨣ. jeghen den here. blodde hi van dire daet; soe ware siin wedersake
1867:21 om .xx. ᨣ. [3] Ende sloghe een dorpman met handen enen Riddre. hi
1867:22 hadde die hant vorloren; stiete hine metten voete; hi hadde den voet
1867:23 verloren. Ende sloghe een dorpman met handen enen knape; die van
1867:24 ridders arde comen es; ende nog es; Ogte stiete metten voete; hi waers
1867:25 om .c. ᨣ. Viele die knape ter Erden van dien slaghe; Ogte stote; die
1867:26 dorpman waers om .vij. lb. ende .x. ᨣ. blodde die knape van dire daeth;
1867:27 die dorpman waers om .x. lb. [4] Die enen stoc toghe; Enen andren met
1867:28 te Euelne; sonder slaen; hi waers om .x. ᨣ. Die andren sloghe met enen
1867:29 stocke. sonder bloet; hi waers om .xx. ᨣ. sloghe hine oec ter Eerden.
1867:30 sonder bloet; hi waers om .xxx. ᨣ. Sloghe hine oec dat hi blodde; sonder
1867:31 mincsele. ogte been vten houede tedone. hi waers om .iij. lb. Vormincte
1867:32 hine; ogte gaen heme been vten hoefde van dien colfslaghe. hi waers om
1867:33 .c. ᨣ. [5] wie een sueert trecte andren mede te Euelne. sonder daet;
1867:34 hi waers om .xx. ᨣ. Ware dat sake dat hire jemanne mede sloghe. dat hi
1867:35 blodde. sonder mincsele; hi waers om .c. ᨣ. Ware oec sake dat jeman
1867:36 andren vormincte; sonder met verloefden wapenen. sonder Let
1867:37 teverlisene; hi waers jeghen den here om .vij. lb. Waere oec dat sake dat
1867:38 hi dlet verlore; let. jeghen let; storue hi. liif. jeghen liif. Ende tguet dat
1867:39 van heme compt; Ende daer hi hof ende here af heuet; half sheren wille.
1867:40 [6] Die andren quetste met versegden wapenen sonder bloet; hi waers
1867:41 om .xxx. ᨣ. blodde hi oec van dire daet; hi waers om .iij. lb. Die den
1867:42 andren vermincte met versegden wapenen. hi waers om .x. lb. [7] Dit
1867:43 siin vorsegde wapene. kniue. piken. Cortoysecoluen. ghepicde staue;
1867:44 alrehande gheschutte; handaxe. Ghisarmen. spafute. Scilt metten prime.
1867:45 dien men op den arm draegt; [8] Die verloefde wapene droghe. hi


1868:1 waers om .x. ᨣ. Die op andren trocke vorsegde wapene sonder kniif. ogte
1868:2 stekesueert; hi waers om xx. ᨣ. Die een kniif trocke; Ogte een stekesueert
1868:3 andren met te Euelne sonder daet. hi waers om .xl. ᨣ. jeghen den here.
1868:4 Ende en hadde hi oec des ghelts niet; men soude heme tkniif . ogte
1868:5 stekesueert dor die palme steken. Wie andren stake met enen kniue.
1868:6 ogte met enen stekesuerde opene wonde. hi waers om .xx. lb. den here.
1868:7 ogte die hant verloren. daer hi mede stake. [9] wie dat jemanne scote
1868:8 met vorrade. hi hadde verbort liif; ende guet. [10] Die ware jn
1868:9 doetveeden, ende buten vreede; hi mogte draghen alrehande wapene. [11]
1868:10 wie stale beneden .v. ᨣ. weert men soudene tekenen; vont menne
1868:11 ghetekent; ende anderweerf stale. hi hadde dliif vorbort; ende half tgued
1868:12 tsheren wille. [12] wie soe brant ogte roef. ogte censeueringhe dade
1868:13 hi hadde dliif verbort. ende siin guet; [13] wie vrowen; ogte juncfrowen
1868:14 ver[crachte] men sal heme den hals af zaghen met ere planken. [14]
1868:15 Die vreede breect; dien salmen jn viren deilen. ende sal ne die here
1868:16 setten doen; op vire hornocke van sinen lande. [15] Ende een man en
1868:17 mag en ghenen vrede breken. jeghen den g[henen] [d]aer hi met eth;
1868:18 ende dreinct. dagheliics. nog an den seluen man. die an heme vreede
1868:19 tebroken heuet te dien heten stride. Nogtan blieft die vreede ghestede,
1868:20 an alle dandre. sonder an den ghenen die den vreede daer tebroken heuet,
1868:21 [¶] [[16] Wie] enen man volgt, ogte suket jn een huus met heten stride;
1868:22 hi es om .iij. lb. Ende elc die heme volgt jn sine hulpe es om .xx ᨣ. [17]
1868:23 Die husukinghe dade bi daghe; ende met beradenen rade; En ware op
1868:24 sinen handadeghen sculdeghen doet viant, hi waers om .x. lb. Ende elc
1868:25 die heme volgde in sine hulpe; hi waers om .iij. lb. [18] Die
1868:26 husukinghe dade bi nagte, Ende met beradenen rade; En ware op sinen
1868:27 handadeghen sculdeghen doet viant; hi wars om .xx. lb. Ende elc die
1868:28 heme volgde jn sine hulpe; hi waers om .c. ᨣ. [19] Dien sheren knape
1868:29 verde eischt; Ogthe wien eischt van sinen thaluen; Onsegthine. Ogte
1868:30 en geeft hiis niet. hi es om .xx. ᨣ. Hirna magne houden deghene die heme
1868:31 den vreede eischede ouer den vreede; Ende ouer sine mesdaet; Ende
1868:32 ontgheet hi heme met cragthe; hi es om .xx. lb. Ende nogtan eist vreede.
1868:33 Ghebode hine tehoudene. ogte eneghen mesdadeghen man; de ghene
1868:34 die heme niet en holpe hi waers om .xx. ᨣ. [20] Die pale ogte meere
1868:35 vte dade; hi waers om .iij. lb. Die pale. ogte meere sette sonder sinen
1868:36 termptghenoet. ogte sonder regth; hi waers om .iij. lb. jeghen den here.
1868:37 [21] Die sheren knape. ogte eneghen andren sin scot name; hi waers
1868:38 op .xl. ᨣ. Ende den man sine scade weder tegheldene. [22] Die behagt
1868:39 guet aneveert; dat metten regte es behagt; hi es om .iij. lb. jeghen den
1868:40 here. Ende hi moet tguet wederbrenghen. ter stat. daert was. ende ten
1868:41 regte. [23] wie soe ongheiaert kint en weghe leidde; en ware bi rade
1868:42 der maghe svader Ende der moder; hi hadde siin guet verbort; ende siin


1869:1 liif. [24] Die vrowe. ogte juncfrowe met cragte name; Ende ment ter
1869:2 waerheiden vonde; hine mogte nimbermeer dlant ghecrighen. Ende hi
1869:3 hadde dliif vorloren; ende tguet vorbort; jeghen den here. Ende ware. dat
1869:4 die vrowe; ogte juncfrowe met heme bleue; ende seide dat ware hars
1869:5 dankes ende hars willen; soe hadse haers guets vorbort; totder wilen dat
1869:6 se weder quame; ende seide dat ware hars ondankens. dan soutse haers
1869:7 guets ghebruken. Gincse weder tote dien man; soe hadse hars guets
1869:8 verbort; alse langhe alse leuede tharen behoef; jeghen den here. van den
1869:9 lande; behoudenleec des naestes Erfagtes heren regthe. Ende na har liif.
1869:10 soe comet tguet; op hare naeste gheeruen. sonder op die kindre diese
1869:11 van dien man hadde. diese met cragte nam; hen en mags niet werden;
1869:12 Waere dat sake dat wiif ogte man. daer toe holpe. ogte riede dat vrowe.
1869:13 ogte juncfrowe met cragte ghenomen worde; Ende men dat ter
1869:14 waerheiden vonde, hi hadde verbort liif; ende guet. jeghen den here;
1869:15 behoudenleec des erfagtes heren regte; [25] Die mans bome howet;
1869:16 Ogte breket sinen tuun; ogte neempt siin coren; Ogte siin gaars. Ogte
1869:17 sine vroegt. beneden .v. ᨣ. weert. met daghe. sonder orlof. ende ment ter
1869:18 waerheiden vonde; hi sal gheelden den man sine scade; Ende den here
1869:19 .v. ᨣ. Ghesciet met nagte. soe ware hiis op .c. ᨣ. Ende sine scade den man
1869:20 tveeuout. [26] Die mans quec sloghe. ogte affolleerde. hi ghelde den
1869:21 man sine scade. Ende den here .x. ᨣ. [27] ware dat sake dat jeman
1869:22 ghequetst worde; van waghenen. van carren. van ploghen. van Egheden,
1869:23 van moelnen; Ogte daer men huse brake. Ogte op dade. Ende ment ter
1869:24 waerheiden vonde, dat dese stucken ghescieden, onuersienleec; ende
1869:25 onmoghens; des sonder scade tesine. jeghen den here. Ende ongheueeth
1869:26 jeghen den man, ende van den maghen. [28] wie andren beghote met
1869:27 wine. Ogte met biere. ogte met eneghen dranke willens jn felheiden. hi
1869:28 es om .x. ᨣ. [29] Die andren slaet met enen potte hi es om .iij. lb. blodde
1869:29 hi soe es hi op .c. ᨣ. [30] Die weg vergrauet; ogte mans lant. soe dats
1869:30 heme jeman beclaget, hi es om .xl. ᨣ. [31] Dat kint dat es jn siins
1869:31 vader plegt. Ogte jn sire moeder. mesdoet; dan sal nog vader. nog moder
1869:32 ontghelden; en ware dat sake dat na die daet; wederkeerde jn haren huse.
1869:33 bi haren wille. Ende bi haren wetene. Ogte dat men mogte gheprouen,
1869:34 dat tkint; die daet ghedaen hadde bi haren raede. [32] wille oec man.
1869:35 ogte wiif siin kint doen vte sire plegth; hi magt wel doen metten regte.
1869:36 also alse man; ogte scepene wisen selen; Es hi man, ogte hort hi sheren
1869:37 maissnide. soe salmenne manen. bi hulden. ende bi trowen. Es hi scepen;
1869:38 soe salmenne manen op sinen Eet; Ende es hi nogweder. soe mote hi
1869:39 sueeren, dat hi siin kint van heme niet en doet; om jemanne te Euelne;
1869:40 ogte scadene; Ende het muet siin vte sinen huse; Een jaer. Ende enen
1869:41 dagh; Ende daer na mag hiit huren gheliic enen vreemden. [33] waer
1869:42 dat jeman doet bliuet; na der vren dat hi doet es; soe hebben
1869:43 donsculdeghe sheren verde .viij. daghe. ende .viij. nagte. Ende daer na sal
1869:44 elc man pleghen sire veeden. [34] Nieman en mag scouen jn der heren
1869:45 lant; sonder die kostre; hi mag siin regt halen. Die smet siin regt; Die
1869:46 bartmakere siin regt; Ende die pretere die tcoren hudet siin regt; Vort


1870:1 onse ondermeyere die te ors siin; die selen hebben van den ghenen, die
1870:2 ploegwenninghe houden enen scoef; Ende nimmeer vor haren diintst.
1870:3 Die elre scoue gaue. dan den ghenen die hiir ghenoempt siin; hi hadde
1870:4 verbort .xx. ᨣ. Ende diese eischede .xx. ᨣ. nogtan motene die here af doen
1870:5 van sinen dienste. [35] vort wille wi dat onse drossate; nog onse
1870:6 rigtheren niemanne niet en neemen; bouen vonnesse. Ende wi willen
1870:7 dat nieman onsen Drossate. nog onsen Rigteren. nog onsen vorstren. nog
1870:8 nimanne teharen behoef Enegerande gigten gheue. nog dienst en doe.
1870:9 Ende ware dat si enegrande gigten namen van jemanne; Ogte hen
1870:10 jeman diinst dade; hi segt ons; Ende wi selent heme weder gheuen; ende
1870:11 gheelden tveeuout. Ende die des niet en dade; hi hadde verbort liif. ende
1870:12 guet. [36] Negheene gheordende liede, nog portre van buten onsen
1870:13 lande; nog van bennen en moghen vercrighen erfegtegh guet onder ons;
1870:14 en si bi onsen orloue; [37] Wie soe bome te na heuet staende den
1870:15 weghe; daer jeman ouer claget, ventment terwaerheit; die here mag die
1870:16 bome doen houwen tesinen behoef; Ende daer mede es die man quite.
1870:17 Ende die here saelt doen rumen den man; [38] van mannen. ogte van
1870:18 scepenen tewederseghene; dat sal men beteren alsoe; alse hare hofregt
1870:19 heuet. [39] Van dedinghen. van alrehande stucken. dar af tedone alse
1870:20 regt es. [40] Wie dat behort tesente petre te louene, ende tonser vrier
1870:21 maissniden; wat dat hi gheloef vorscepene van onsen lande; dat wille wi
1870:22 dat hi gheleiste. alse ogte hiit gheloeft hadde vor scepene van vrier port.
1870:23 Ende jn andren stucken ghebruken harre maissniden. alse sente peters
1870:24 liede sculdeg siin teghebrukene. [41] Daer men die waerheit doen sal
1870:25 van cleinen stucken; ogte van groten; die moet men ghebiden tsondags
1870:26 jn de kerke; Ende die sal die here doen; doen, na den maendag tesire
1870:27 staden; Ende daer ouer selen sitten, si tuee; ogte meer scepene; ogte man.
1870:28 ogte beide, ees tedoene. metten rigthere. [42] Daer men de waerheit
1870:29 doet van cleinen stucken; die ter irster waerheit niet en compt; hi es om
1870:30 .ij. ᨣ. En compt hi niet ter andre waerheit; van den seluen stucken. soe
1870:31 es hi egth om .ij. ᨣ. Ende en quame hi niet ter derder waerheit, soe ware
1870:32 hi sculdegh. vanden stucken. daer men die waerheit om dade. [43] Dat
1870:33 oppenbare ghesciet; dat salmen prouen oppenbare. alse van siene; ende
1870:34 van horne. van hen tueen; ogte meer. Ende dat es volbedrag. [44] Dat
1870:35 stille ghesciet ogte met nagte; dat salmen stille prouen; met hen tueen;
1870:36 ogte meer. neemen si dat op haren eeth; dat deghene es sculdegh dien
1870:37 si bedraghen. soe eest volbedragh. [45] Daer men die waerheit van
1870:38 groten saken doen sal; die ane mans liif gheet; Die ter irster waerheit niet
1870:39 en quame. hi hadde vorbort .xx. ᨣ. Ende quame hi niet ter ander waerheit
1870:40 die men dade van den seluen stucken; hi waers egth om .xx. ᨣ. Ende
1870:41 quame hi niet terderderwaerheit. die men dade vanden seluen stucken;
1870:42 hi waere sculdeg van den stucken; daer men die waerheit af ghedaen
1870:43 hadde; En waere dat sake dat hi buten lans ware. ogte siic ware. ogte
1870:44 gheuaen. Ogte jn doetveeden. ende buten vreede. Ogthe hadde wetteghe
1870:45 noetsaken. Ende dit selue sal siin van cleinen stucken. [46] Wien men
1870:46 ane sprake van mesdade, die metter warheit niet ghetugt en ware. hi sal


1871:1 heme onsculdeghen heme derder ten heileghen met wetteghen lieden
1871:2 die wel siin teghelouene; en ware dat sake dat hi vreemptman ware. Ende
1871:3 dan sal hi sueeren. tuee Eede. dat hi en ghene hulpe en can vercrighen.
1871:4 heme mede tonsculdeghene. Ende ten derden male sal hi sueeren. dat hi
1871:5 onsculdeg es van den stucken, daer menne af heuet ane ghesproken. [47]
1871:6 waere dat sake dat heme jeman verweerde bennen sinen houe; Ogte
1871:7 daer hi ghewagt ware. met ghelagder laghen; Ende hi heme verweerde
1871:8 ouer noet; van sinen liue. hi ware quite jeghen den here; Ende ongheueet
1871:9 van den maghen. [48] Ende wi bekinnen onsen mannen; dat se van
1871:10 regte; sculdeg siin tehebbene. haren cost; alse jn onsen dienste comen;
1871:11 alsoe. alse onse vordren; Ende wi tote hare hebben ghedaen; Ende sculdeg
1871:12 siin. [49] vort wille wi dat moneke. Nonnen. papen; ende alrehande
1871:13 ordene Lombarde. Ende joeden. vte onsen lande; Ende onse waranden.
1871:14 Ende onse Rigtheren. Wat dat men ane hen duet; dat tonsen wille si. [50]
1871:15 vort Eighen; leen; Ende Erue; sal men ghebieden te vorcopene jn de
1871:16 keerke drie virtinnagten. tsondags ter messen; Ende daer na die tuschen
1871:17 halm; ende here niet en comet, hine mag en ghene Naarscap hebben ane
1871:18 dat guet; hine si buten lans. Ogte hebbe wetteghe noetsaken. [51] Vort
1871:19 wille wi van scepenen. Ende van laten, die vonnesse varen halen. dat
1871:20 elec die gheet tevoet. hebben sal sdages .xij. d. Ende die ridet elc sal
1871:21 hebben .ij. ᨣ. sdaghes te sire cost; [52] vort wille wi dat die kampe;
1871:22 bliuen jn al sulken pointe; alse tote hare hebben gheweest; [53] vort meer
1871:23 om alle dinc teverclaerne daer men ane tuiuelen mogte; wie dat
1871:24 siins guets verbort; heuet hi wiif. ogte kindre. soe wille wi dat dene helegt
1871:25 bliue den wiue. Ogte den kindren. Ende dander helegt sheren wille.
1871:26 ende sheren ghenaden. Ende en heef hi oec nog wiif. nog kinder; soe
1871:27 wille wi dat al siin guet. bliue sheren wille ende sheren ghenaden. [54]
1871:28 ware oec dat man. ogte wiif; van buten onsen lande; onder ons
1871:29 quame wonen; die wille wi dat se ghebruken harre vriheiden; si. ende.
1871:30 die van hen comen; dire si souden ghebruken. ogtse jn haren lande waren
1871:31 bleuen op dat siit ghetonen moghen alse regt wiist; met haren
1871:32 ghebusseme. ende met haren orinen; [55] ware oec dat gheuile eneg
1871:33 point; dat hiir jn niet ghescreuen en es. dat soudemen handelen met
1871:34 mannen; ogte met scepenen; na die pointe dient beest gheliict; van
1871:35 dien, die hiir bennen staen bescreuen. Ende alsoe sulc regth; alse hiir
1871:36 bescreuen es; soe wille wi dat men houde in al onsen lande; daert tote hare
1871:37 sonder vonnesse heuet ghestaen; [56] vort wille wi dat die meyer
1871:38 van thinen. hebbe buten thinen; ende lewe .iiij. knapen te ors. ende.
1871:39 nimmeer; Ende viij. tevoet; Die bailluj van gheldenake; buten
1871:40 gheldenake. ende hanujt. .ij. knapen te ors. Ende iiij. tevoet; Die balluj
1871:41 van Niuelle .iij. knapen. te ors; ende .vi. tevoet; buten Niuelle. Die
1871:42 amman van bruselle. buten bruselle .v. knapen te ors. Ende .x. tevoet. Die
1871:43 scoutheit van antwerpen buten antwerpen .v. knapen. te ors. ende .x.
1871:44 tevoet; sonder jnt waterlant; Die scoutheit van den bosche; iiij. knapen
1871:45 te ors; buten den bosche; Ende .x. tevoet; Ende wi willen vondemen meer


1872:1 knapen ridende op dese ambagte dane hiir vore es ghesegt; wie datter
1872:2 eneghen vonde. dat hi heme siin peert neemen mogte. sonder mesdaet;
1872:3 Ende behouden. Ende ware dat jeman van desen rigteren hilde meer
1872:4 knapen dan hiir es ghesegt. ogte knegte; dat hi jeghen ons hebbe
1872:5 vorbort .xx. lb. [57] Ende ware dat sake dat jeman. die mesdaen hadde;
1872:6 en ghenen vreede en eischede ter seluer vren dat die daet ghesciede; Ogte
1872:7 des selues daghes; dat die vreede vtegheet; Ogte eer; hi hadde verbort
1872:8 jeghen den here; xxx. lb. vteghenomen allen lieden die ons bede ghelden;
1872:9 Ende maissnide lieden die ons bedeleken diinst doen; die selen quite
1872:10 siin; om .xx. ᨣ. al en sogthen si en ghenen vreede. Ende alle die andre
1872:11 liede selen ghelden .xxx. lb. en sogthen si en ghenen vreede. alse gheliker
1872:12 wiis alse hiir vore ghesegt es; [58] vort deghene die leenleke dinc dade,
1872:13 waer bi dat hi vten lande vlowe; siin naeste moet dan den vreede suken.
1872:14 op dat heme cundeg es. Ware oec dat hi seide; dat heme condeg niet en
1872:15 ware. soe sout die here op heme moten betughen. Ogte laten op sinen
1872:16 eeth; staen; [59] Ende Oec wille wi; wie andren beclagt; ogte anesprect
1872:17 jn regte. van wat saken hine ane sprect; ende sire claghen niet volcomen
1872:18 en can; met waerheiden. dat hiis es jn allen dien seluen pointe; dat
1872:19 deghene soude hebben gheweest; ogte hi sire claghen bouen ware
1872:20 bleuen. [60] Ende oec wille wi wie mesdoet; dat hiit selue betere; Ende
1872:21 dat nieman en gheen soene ghelt en gheelde. nog en eische. alse van
1872:22 onsen bede lieden. Ende maissnide lieden; die ons bedeleken diintst
1872:23 doen; [61] wie dat andren dreigt; Ende men dat gheprouen moghe ter
1872:24 guder waerheit. hi heft verbort jeghen den here .x. lb. Ende hi moet den
1872:25 ghedregden vorsekeren. [62] Ende ware dat sake dat eneghe niwe
1872:26 stucken ghescieden in den lande; die niet wel vorclaert en mogten siin;
1872:27 met ten pointen die hiir vore siin bescreuen. die sal men handelen met
1872:28 onsen rade. Ende met rade onser manne. [63] vort wille wi dat en gheen
1872:29 van onsen rigteren sake. nog querele copen nog vercrighen en
1872:30 mag; die wile dat se jn tueste; ogte jn calangen es. [64] vort alle onse
1872:31 ouerrigthere van den vorghesegden scoutheitscape. die sele wi setten
1872:32 tonsen wille. Ende wanneer onse liede ghetonen connen; dat hen onse
1872:33 rigtere breken thregt; ogte niet en doen; dat wi hen ghegheuen hebben.
1872:34 soe selen si af siin. Ende nimbermeer rigtere werden. daer na. [65] Oec
1872:35 hebbe wi hen ghegheuen; dat alle deghene die nu rigtere waren.
1872:36 Onderste ende vorstre dat si nimbermeer rigtere siin en moghen. nog
1872:37 werden. jn den vorghenomden scoutheit ambagthe; Oec soe gheue wi
1872:38 onsen lieden; dat si alle dondermeyere; Ende vorstre selue kisen selen.
1872:39 Ende die si kisen; de meeste partie van hen; die sele wi hen gheuen.
1872:40 Ende dese moghe wi nogtan aue doen alse wi willen. Ende alse wise aue
1872:41 hebben ghedaen; die si dan selue kisen; die sele wi hen gheuen. Ende
1872:42 wanneer onse liede ons wetteleec ghetonen connen; dat onse meyere.
1872:43 ogte vorstre. jet jeghen dese vorghesegde pointe doen; soe selen si aue siin;
1872:44 Ende nimmermeer. nog meyer. nog vorstre werden; [66] Ende
1872:45 oec hebbe wi gheloeft; dat wi nimbermeer, nog drossate. nog meyer.


1873:1 nog Scoutheit. nog bailluj. nog amman maken en selen; om dat si ons
1873:2 eneg ghelt. ogte guet; gheuen, ogte leenen selen. [67] Ende wi Jan
1873:3 bider gratien ons heren. hertoghe van Lotthrike. van brabant. Ende van
1873:4 lymborg. willecoren ende ghelouen dat. bi onser trowen. vor ons. Ende
1873:5 vor deghene; die na ons selen comen; die gheeruen selen siin; van onsen
1873:6 lande. Ende sueeren ten heileghen. dat wi onse man; Ende onse liedie
1873:7 aerme. Ende rike selen houden, ende handelen na dese weth; ende na
1873:8 dit regth; dat hiir bouen es bescreuen. Ende en selen soken. nog soken
1873:9 doen. negheen ockesoen; nog behendegheit; daert mede belet mogte
1873:10 bliuen. dat dese wet niet enghesciede onsen lieden. Ende selen doen
1873:11 sueeren alle douerrigtere van onsen lande. die nu siin. ende die wi
1873:12 vorweert maken selen. dat se selen houden; Ende doen houden, alle dese
1873:13 pointe, grote ende clene; die hiir jn staen bescreuen. Ende hiir toe
1873:14 behoren. Ende behoren moghen; Ende selen allen lieden vonnesse
1873:15 doen. ende weth; die vonnesse eischen. Ende weth; begheren. der man.
1873:16 Ogte der scepene dire sculdeg siin ouer te deilne. [68] Ende ware dat
1873:17 sake dat wi; ogte onse rigtere vonnesse Ende weth; niet en daden. den
1873:18 ghenen die vonnesse eischen. Eneweerf. anderweerf; Ende derdeweerf;
1873:19 met guden orkunden. soe beuele wi onsen mannen; bi der hulden die
1873:20 si ons sculdeg siin; Ende scepenen bi den Eede. dien si ghedaen
1873:21 hebben; dat si nog dor ons. nog dor onse rigtere, nimbermeer vonnesse
1873:22 en selen seghen bi horen wetene. na dien dat hen condeg es; dat jemanne
1873:23 regts es ghebroken. diet gheeischt heuet. ende gheuolgt met orkunden.
1873:24 Ende wat manne. ogte scepene. hiir bouen dor ons; ogte dor onse
1873:25 rigtere vonnesse seide; desen en ware regth ghesciet. diet gheeischt heuet;
1873:26 dien wille wi houden ouerwetteloes; ende meinedegh; ende sonder weth
1873:27 handelen. na dien dat dese vonnesse hebben gheeist, met orkunde van
1873:28 mannen. ogte van scepenen; Ende siit hebben veruolgt, met drien
1873:29 eischinghen van ghenagthen teghenagthen; [69] Ende om dat wi
1873:30 willen. dat alle dese pointe. die hiir vore bescreuen siin in desen briif,
1873:31 grote ende cleine. vast, ende ghestadegh bliuen, van ons; Ende van onsen
1873:32 naecomelinghen. Jn waerheit; Ende jn bekinnessen hebbe wi onsen
1873:33 Seghel ane desen briif doen hanghen. Ende ghelouense met onser
1873:34 trowen, Ewelike seker tehoudene; Ende doen tehoudene alle dese
1873:35 vorghesegde stucken. ende pointe. Dit was ghedaen jnt jaer ons heren.
1873:36 M'ho. CC'ho. XC'ho. ij'ho.


1868:51 tkiif